Tuberculosis management -- some aspects of the role of the nurse manager.

Tuberkulosebeheer skep ’n uitdaging vir die verpleegadministrateur se bestuursvermoë. Weens haar deeglike kennis van die gemeenskap is sy ’n ideale lid van die tuberkulosebeheerspan. Eerstens moet streeksomstandighede soos demografiese, maatskaplike en omgewingsfaktore wat die verspreiding van tuberkulose in 'n spesifieke streek bevorder, bepaal word. Die beskikbaarheid van personeel, voorrade, vervoer en fondse moet ook vasgestel word. Hierdie inligting word gebruik om ’n probleemstelling te formuleer. Die opstel van ’n aksieplan behels interpretasie van beleid, prioriteitsen doelwitbepaling. Prioriteite word deels van die probleemstelling afgelei en deels deur nasionale beleid voorgeskryf. Nasionale prioriteite vir tuberkulosebeheer sluit in motivering, gevalopsporing, buitepasiëntebehandeling en primêre voorkoming deur BCG-inenting. Die verpleegadministrateur het verantwoordelikhede ten opsigte van die uitvoer van die aksieplan, finansiële beheer en die evaluering van die resultate aan die hand van die doelwitte wat gestel is.